13

حکومتی وفد نے ناراض ہوکر وزارت چھوڑنے والے خالد مقبول صدیقی کو منالیا


خالد مقبول صدیقی کی بہت جلد وزیراعظم عمران خان سے بھی ملاقات ہوگی، ذرائع ۔ فوٹو : فائل

خالد مقبول صدیقی کی بہت جلد وزیراعظم عمران خان سے بھی ملاقات ہوگی، ذرائع ۔ فوٹو : فائل

 اسلام آباد: 

حکومتی وفد نے ناراض ہوکر وزارت چھوڑنے والے وزیر خالد مقبول صدیقی کو منالیا ہے۔

ذرائع کے مطابق حکومت ناراض اتحادیوں کو منانے کے اپنے پہلے مشن میں کامیاب ہوگئی ہے اور انہوں اتحادی وزیر خالد مقبول صدیقی کو منالیا ہے۔ حکومت خالد مقبول صدیقی کا استعفیٰ منظور نہیں کرے گی اور نہ ہی ان کی جگہ ایم کیو ایم سے کسی کو وزیربنایا جائے گا۔

ذرائع کا یہ بھی کہنا ہے کہ ایم کیو ایم اور پی ٹی آئی کے وفود کے درمیان آئندہ ملاقات بدھ کو ہوگی جب کہ بہت جلد خالد مقبول صدیقی کی وزیراعظم عمران خان سے بھی ملاقات ہوگی۔

یہ بھی پڑھیں :خالد مقبول صدیقی نے استعفیٰ وزیر اعظم کو بھجوادیا

واضح رہے خالد مقبول صدیقی نے 12 جنوری کو حکومت سے تحفظات کا اظہار کرتے ہوئے وزارت چھوڑنے کا اعلان کیا تھا جس پر اسد عمر کی سربراہی میں حکومتی وفد انہیں منانے ایم کیو ایم پاکستان کے عارضی مرکز بھی آیا تھا جو ناکام ہوگیا تھا۔





Source link

اپنا تبصرہ بھیجیں